Se te seguirà i detami de sta saggia canzon triestina tesarà sempre alegro, anche se tuto te va storto:
- te sarà contento anche se te sta in una città dove che comanda un botegher che disi che la giunta sta lavorando a 380 gradi;
- te sarà felice anche se te vivi in un logo dove che l'età media dei abitanti xe la più alta del MONDO (e nota ben chei nostri veci xe più rompicojoni della media dei veci)dunque te abiti nela città che ga el numero più alto de rompicojoni al mondo;
- no te ghe penserà su se te paghi l'ICI più alta de qualsiasi altra città, tanto xe sempre el teran;
- no te ghe farà caso se el comun spendi un saco de bori per spostar i monumenti patriotici e per ciamar le adunate dei caramba e dell'esercito e inveze ghe taia i fondi a le coperative asistenziali (comprese quele che se ocupa dei veci!!!) Alora se te seguirà el bon e vecio consiglio del 'Viva là epo' bon' la tristeza va via e ti te torni alegro e impiombà!!! Questa antica perla de sageza triestina porta sai fortuna:ga za fato 8 volte el giro dei rioni, la Bavisela e la Barcolana, dopo la se ga roto i cojoni e la xe andada in osmiza. Mandighelo a tuti quei che te conossi, specie se i xe tristi o astemi. (considerando che Trieste xe picia za al secondo girò de posta lo gaverà ciapà tuti!!) Manda solo l'antica perla de sageza triestina: no mandar soldi, perchè se te li metti nel drive dei CD-rom se spaca el computer. Se te lo fa te gaverà za un esempio de che sfiga che porta se no te fa come che disi la cadena de Sant'Antonio novo! No tegnir sta mail per più de 96 ore, se no la va de mal ela comincia a spuzar de freschin. Alcuni esempi de cossa xe nato a gente che ga ciapà sta cadena: Ciano ga ricevù la letera el ghe ga dito alla sua segretaria de far 20 copie ma dopo el se ga dimenticà. La segretaria se ga ripresentà dopo un poco con le copie completamente nuda, ma lui nel fratempo iera za tornà a casa e la segretaria xe andada a trombar col socio de Ciano. El socio de Ciano ga ricevù una fotocopia della perla de sageza triestina dalla segretaria de Ciano che ghe la ga portada compeamente nuda! (Nol ga fato copie perchè el gaveva quele che ela gaveva za preparà per Ciano, pensa ti che cul che porta far le copie dela cadena de Sant'Antonio novo!!!!) Fulvio ga ricevù la letera e ga vinto 9 milioni de marchi nel maggio del 2002. Però nol ga mandà avanti la cadena e sicome adesso xe i euri la vincita no val più un cazzo. Caio, che fazeva el consulente finanziario per la Microsofte per un paio de emiri del Kuwait, gà ricevù sta letera ma el se ga dimenticà de mandarla avanti e el ga perso el lavor. Un per de giorni dopo el se ga ricordà dela perla de sageza triestina, el la ga mandada a tuti quei che el conoseva continuando la catena e el ga de novo trovà lavor (come affossator a Sant'Ana). Stelio, un autista del ACT, ga ciapà sta lettera e ridendoel la ga butada in scovaze. Qualche giorno dopo suo fio se ga malà. Alora Stelio ga zercà la letera el ga fato 20 copie e el le ga spedide. Qualche giorno dopo el ga savù che su fio iera guarì: l'influenza de solito passa presto. La lettera xe stata ricevuda anche de John P., un giovane australian analfabeta che ga notà che la iera illeggibile. El se ga ripromesso de imparar a leggere per capir cossa che iera scrito, e quando finalmente el ga imparà a leger el ga visto che iera piena de cazade e anche per quel che se legi sui giornai iera meio restar analfabeta. Toio ga ricevù la letera e el ga trovà un babon galattico che gaveva due tette strepitose, iera cocola, trombava che iera un piazer, la iera disponibile a rapporti anal, orali,sadomaso e in gruppo (tute babe a parte Toio), la ghe cusiva, stirava e preparava el pranzo. Ma el se ga dimenticà de mandar copie ai amici e el ga scoperto che la iera furlana. Dipiazza xe diventà sindaco perchè mi me son dimenticà de mandar avanti le copie. Comunque se te mandi avanti almeno 20 copie de sta cadena a Scoccimarro ghe vegnerà scagarela cronica!!!
Grazie a Cernaz Cadena per la mail...tropa roba!!!!
Nessun commento:
Posta un commento